Veitingastaðurinn á Hótel Holti, Gallery Restaurant, hefur allt frá opnun þess árið 1965 verið í allra fremstu röð á Íslandi. Tímarnir breytast en ógleymanlegar kvöldstundir á Holtinu eru eitthvað sem alltaf er hægt að treysta á.

Veitingarstaðurinn hefur undanfarin ár endurheimt titil sinn sem besta veitingahús landsins. Friðgeir Ingi Eiríksson hefur með styrkri hönd stýrt eldhúsinu og þjónustustiginu í þær hæðir sem Íslendingar hafa alltaf ætlast til af þessum sögufræga stað, og gott betur en það. Gallery vann Nordic Prize verðlaunin fyrir hönd Íslands á nýliðnu ári og hlaut auk þess 100% einkunn í gæðakönnun Institute for Hospitality Management síðastliðið sumar. Það verður erfitt að slá við kvöldstund á Gallery Restaurant.

Friðgeir Ingi Eiríksson, hinn margverðlaunaði yfirmatreiðslumeistari, og hans aðstoðarmenn sjá til þess að glæsilegur matseðillinn sé framreiddur af metnaði og mikilli fagmennsku, þar sem upplifunin er höfð að leiðarljósi. Það er ástæða fyrir því að gestir okkar koma alltaf aftur og aftur.

Í janúar 2008 var eldhús Gallery Restaurants endurinnréttað og ný, sérhönnuð eldavél flutt inn frá Frakklandi. Þetta hefur gert það að verkum að öll vinnsla og matreiðsla er auðveldari en áður og það skilar sér inn á borð til þín með einstökum réttum af glæsilegum matseðlum okkar.

Sú nýbreytni hefur verið í boði í vetur að fagmenn okkar bjóða stoltir upp matreiðslunámskeið fyrir áhugasama, þar sem meistararnir deila leyndardómum sínum með þér!

Einstakt umhverfi, frábær matur og úrvalsþjónusta hafa í meira en fjóra áratugi verið aðalsmerki veitingastaðarins Gallerys á Hótel Holti.
- Leyfðu þér að njóta.

Gallery Restaurant er opinn 12:00-14:30 og 18:00-22:30 alla daga vikunnar.

Gómsætur matur og gott verð einkenna hádegisverðamatseðilinn og kvöldstundirnar verða ógleymanlegar.
Sjá má matseðlana hér og bókið hér.